Alle Mine Kjære

Novella handlar om ei fjorten år gammal jente ved namn Susie Salmon som blir valdteken og drepen på vegen heim frå skulen. Oppe frå himmelen sin ser ho ned på heimen og familien mens dei prøver å leve med tapet av ho, og samtidig får vi innsyn i korleis mordaren hennar, ein stille mann i nabolaget, lever vidare utan dårlig samvit.




Inspirasjonen Sebold hadde til å skrive novella var frå då ho i ein alder av atten år sjølv blei valdteken på veg heim frå skulen. Ho rapporterte det til politiet og fann ut at ho hadde vore heldig – noko som er tittelen på ei anna bok ho har gitt ut – for bare nokre dagar tidligare var ei jente funne valdteken og partert like i nærleiken.


Sebold prøvde gjentatte gangar å skildre si historie gjennom skriftlege verk, før ho endeleg fekk det til 15 år seinare med Alle Mine Kjære. Den originale tittelen er The Lovely Bones, og boka er ein bestseljar som blei filmatisert i 2009 av Peter Jackson.


TRAILER



Sebold held seg ikkje tidfesta i boka. I den eine augneblinken ser Susie på familien sin mens dei sørgar, og i det neste er ho med mordaren anten før eller etter at han har drepe ho. Andre ting ho hoppar fram og tilbake mellom er forskjellige minner ho har om anten vener eller familien. Vi får vite ting om mora og faren som kanskje ikkje bryr oss når det kjem til saka, men det hjelper oss å skape ein heilskap i det, og sjå ting endå klarare frå augo hennar.


Eg syns boka, samt filmen, var svært rørande, og dei som har mista nokon dei er glad i kan lett identifisere seg med historia. Grunnen til at Sebold hadde problem med å skrive var at ho ville røre ved andre sine hjarte og kva dei måtte føle om valdtekt, men og skrive på ein personleg måte. Eg syns ho fekk til begge delar, og med ei bestseljande bok som Alle Mine Kjære er eg sikker på at ho kan føle ho har spreidd bodskapen sin.